الحلقه 30
سبحان الله وبحمده وسبحان الله العظيم
*********************************
من كلام الناس وقالو ان ماحصلش نصيب بينها وبين مروان ورجعو قعدو تانى بعد ما منال المتطفله مشيت والجرس بعدها بربع ساعه رن
لولو : جريت على الباب وفتحت ولقت مروان وبتبص بعنيها مش لاقيه حد وراه
مروان : السلام عليكم
كلهم : بالهفه ونظارتهم غنيه عن أى سؤال وعليكم السلام هى فين فى اللحظه دى دخلت سما…. ومعاها فايزه….. امها جريت عليها هى والبنات….. وبعياط كتير قوى حضنانها وهى بتحضن فيهم وبتعيط…… وابوها واقف وراهم مش بيتحرك ومكسور مش قادر يقرب منها لترفضه …..
سما : بصت عليه وشافته ماقدرتش تشوفه كدا ودموعه نازله اول مره تشوف ابوها بيعيط نسيت كل حاجه واترمت فى حضنه …..
عبدالعزيز : سامحينى يا بنتى والله يا سما تعبان من يوم ما عملت فيكى كدا ….
سما : وهى بتبص فى عينه مسامحك يا بابا انسو كل حاجه وخلينا نبتدى من جديد …..
مروان : وهو واقف صعبان عليه نفسه وقرر يمشى بعد ما سامحت الكل الا هو ها أمشى انا بقى ياعمى وفيت بوعدى وبنتك فى حضنك …..
لولو : جريت عليه وحضنته أنت أحلى مروان فى الدنيا كلها
مروان : باسها من مقدمة راسها بطلى عياط بقى وأختك حبيبتك أهى بقت فى حضنك مش عايز أشوفك كدا تانى ماشى ….
لولو : ماشى
سما : وهى بتبص له بنظره مش مفهومه وراحت عند فايزه ادخلى يا ماما واهلها كلهم اتصدمو من الكلمه والست الا معاها …..
عبد العزيز : وكريمه اتفضلى وادخل يا مروان مش ها تمشى دلوقتى ….
مروان : أسف لازم أمشى بس عايز أقول حاجه لسما
سما : نعم
مروان : انا ها أنفذ وعدى ومش ها تشوفينى تانى زى ما انتى عايزا بس ياريت تراجعى نفسك فى القرار الا ها يوجعك زى ما ها يوجعنى
لولو : لا يا سما مروان بيحبك ما تعمليش فيه كدا وبتشد مروان تدخله
سما : أهلا يا طنط منال وجميعهم أنتبهو لهذه المتطفله ايه الا رجعها تانى….
منال : شوفتك نازله من عربيه ومعاكى واحده قولت اجى أسلم وأقول حمد الله على السلامه
كريمه : قرصت على ايد سما عشان تفهم اه يا حبببتى لسا راجعه من السفر حتى صاحبة الشغل معاها أهو …ودخلو كلهم قعدو وهما فى حالة قلق من منال ومن الست الا سما بتقول لها ماما وفايزه فهمت قصد كريمه بعد ما غمزت لها وبتجاريها فى الموضوع …..
منال : حمد الله على السلامه كنتى مسافره فين بقى كدا كريمه : بتسرع انتى نسيتى يا منال منا قايلك دبى
فايزه : اه كانت فى دبى وشغاله معايا فى الديكور هناك ولسا واصلين حالا ….
منال : والاستاذ مروان بيعمل ايه هنا هو كمان مش قولتو ان الجوازه أتفشكلت كلهم ارتبكو ماعدا كريمه الا اتعمدت تحط سما فى وضع اجبارى عشان تنسى انها تطلع مروان من حياتها هى شايفه ان محدش يستحقها غيره وهما اتاكدو انه بيحبها قوى….
كريمه : ماهو مروان رجع لسما تانى يا منال وهى نازله من دبى عشان تستقر هنا ويتجوزو
سما : بصدمه هى ومروان ومأزق مش ها تعرف تخرج منه ايه
منال : ايه مالكو كدا هو انتى مش راجعتيلو زى ما امك بتقول
سما : بتردد اه طبعا يا طنط منال رجعنا وعشان تغير الموضوع هو حاتم عامل ايه
منال : باستفزاز أتجوز ياحبببتى بنت أختى وعايش فى أخر أنبساط معاها أسيبكو انا بقى وحمد الله على السلامه وعقبالك …..
مروان قاعد فرحان من الا عملته كريمه فى سما
سما : ايه الا قولتيه دا يا ماما انا لا يمكن ها ارجع له تانى
كريمه : عايزنى اقول ايه انتى عارفه بتياجى تسئل عليكى كام مره حاطكى فى دماغها تخيلى بقى انتى داخله ومعاكى مروان شوفى ها تقول ايه فى حقك
عبد العزيز ؛ عندها حق يا سما انتى مش متخيله حجم الحصار الا احنا فيه منها
فايزه : عين العقل الا عملتيه يا ست كريمه وبتبص لسما تسكت
مروان : احنا كلنا مجبورين ها تعملى ايه ومحدش ها يغصبك على حاجه
سما : فعلا انتو كدا مش بتغصبونى على حاجه
كريمه : بتغير الموضوع فا هى حقا ذكيه ولماحه وفايزه أعجبت بيها كثيرا مش تعرفينى يا بنتى
سما : عرفتهم على فايزه وقصت لهم كل الموضوع
أهل سما بترحاب شديد لهذه السيده التى حافظت على بنتهم واعتبروها أم تانيه لسما وفايزه فرحت بالجو العائلى الجديد لها الا كله دفى وحب
كريمه : ياله يا بنات عشان نجهز الأكل روحى يا سمر انتى ولولو أشترو الطلبات دى بسرعه ياله
عبد العزيز : منوره يا ست فايزه منور يا مروان يابنى والله انت ما بتقصر فى حاجه ابدا
فايزه : النور نوركم
مروان : انا زى أبنك ودا واجب عليا وبص لسما لو ماعندكيش مانع
سما : ممكن كلمه يا مروان باشا وخدته على جمب وبصوت واطى ما تفتكرش انك ها تقدر ترجعنى ليك حتى لو بقيت مراتك فاهم
مروان : با أبتسامته الجذابه الا سما بتنسى الدنيا معاها فاهم يا خطبتى يا حببتى اه على فكره انا كلمت ماما وبابا وهما على أخر النهار ها يكونو هنا ومسكها من دقنها بأيده ماشى يا سمسمه …..
سما : زقت ايده ماشى وسابته وراحت قعدت معاهم تانى
عبد العزيز : قدامهم كلهم وهو بيبص لبنته الا واجعه قلبه وفرحان انها نجحت فى شغلها وبقت لها أسم كبير برغم من المعاناه الا كانت فيها الا انها ما أستسلمتش انا أسف يا حبيبتى
اوعى يكون لسا فى قلبك ليا حاجه يا سما سماحينى يابنتى انتى عارفه العرق الصعيدى عندى صعب حبتين انا بثق فيكى وفى أخواتك يا سما وسايبكو براحتكو بس والله ماقدرت أتحمل المنظر كان صعب قوى …….
سما : بتفهم وقعدت على ركابها قدامه خلاص يابابا أرفع راسك اوعى توطيها فى يوم من الايام مهما حصل انت عندك عذرك بس كان نفسى تتاكد ان بنتك مش كدا حتى لو شفت بعينك مش كل الا تشفه تصدقه ياباب مش دى كلمتك ليا ماتحكميش على حد ياسما مش كل الا تشوفيه او تسمعيه يبقى حقيقه ممكن الناس تبقى مجبوره على كدا ….
عبد العزيز : عندك حق يا حبيبتى وباس راسها حقك عليا كريمه : خلاص يا عبد العزيز سما قلبها طيب وعمرها ما تزعل مننا ابدا ومسكتها بأديها وحضنتها قوى صح يا بنت قلبى
سما : صح يا أمى وحشتونى قوى ووحشنى حضنك
فايزه : كنتى عايزا تحرمى نفسك من الحب دا يا سما
سما : بتبص لها وبتبتسم حبهم ما يتخيرش عن حبك يا زوزه يا جامد أنت
فايزه : يا بكاشه
مروان : انتى تستاهلى كل خير جميلك كلنا مش ها ننساه ابدا
فايزه :بتعمد لكشف حب سما الا عمرها ما نسيته او كرهته زى ما بتقول وانت كمان تستاهل كل خير يا مروان انا مش عايزا أقولك كانت مزهقانى مروان مروان وصور مروان
مروان : عارف عارف انها ها تموت عليا
كلهم : ههههه
سما : مين دى الا تموت عليك انت مش فى بالى أصلا و زوزه بتبالغ فى الكلام
مروان ؛ بثقه منا عارف
لولو : داخله وبصوت عالى يا أهل الدار انا جيت
كريمه : راحت لها وضربتها بخفه على راسها ما إحنا شايفينك لازم الدوشه
سمر : دى ماتجيش معايا فى مكان تانى
كريمه : هببتى ايه تانى
لولو : يرضيكى يا كركر أقف أفاصل فى سعر الخضار وأعصر الراجل عصر وبنتك تتخانق معايا
مروان : ليه كان غالى قوى كدا
لولو : راحت جمبه المفترى عايز ياخد 30 جنيه
مروان : وانتى عايزا تديلو كام
سمر : 15 جنيه 
خلت الراجل شد فى شعره وحلف ماهو بايع خضار تانى
مروان : مفتريه انتى يالولو
لولو : بصوت واطى لمروان كنت عايزا أخنصر فلوس واعزمك على ايس كريم يا وحش
فايزه : لا دا انتى دماغ
لولو : انتى سمعتنى ياجميل
فايزه : بصوت واطى اه سمعتك يا شقيه
مروان : يعنى عايز تعزمنى بفلوس الراجل داعى عليها يا لولو ناكله من هنا ويجلنا مغص من هنا
لولو : لا منا ها أخليك أنت تدفع وانا أكوش على الا معايا
كلهم هههههههه
عبد العزيز : انتى أكبر مشكله فى حياتى
مروان : نصابه كبيره
سما : بعد اذنكو ها أجهز الاكل مع سمر وقامت
********
أميره : مرنا انا عايزا أشوفها والنبى خليها تجيلى
مرنا : انا زيك بالظبط والله انا ها أكلم مروان ولو وصل هناك ها اكلمها انا مستنيه بس لما تقابل أهلها ويصفو المواضيع
أميره : وهى ها ترجع لمروان يا مرنا
مرنا : بزعل لا يا أميره مروان مقهور قوى اول مره أكلمه واحس بكميه الوجع دا فيه
أميره : انا ها أكلمها مش ها أسيبها الهبله دى دا بيحبها قوى رجائى بيقولى اول مره أشوفه كدا بيحب بجنون
مرنا : ربنا يهديها بس هى عندها حق مش عايزين نيجى عليها
أميره : انا عارفه ان عندها حق وهو كمان يا مرنا عنده حق حطى نفسك مكانه وكمان موضوعه القديم الا انتى حكيتلى عليه دا يخليه يشك فى صوابع ايده ومش يبقى عنده ثقه فى حد
مرنا : احنا كنا بنعانى معاه دا مكنش بيطيق سيرة الجواز ولا البنات والله يا أميره
اميره : ابقى كلمينى بس و وصلينى بيها وانتى معانا على الخط عشان نتكلم مكالمه جماعيه
مرنا : حاضر يا حبيبتى ولادك عاملين ايه
أميره : ماتفكرنيش انا رابطه راسى ومش شايفه بعينى ورجائى نايم جمبى زى القتيل يعينى هو شايل واحد وانا واحد انا بحمد ربنا انى ولدت طبيعى عشان أعرف أتحرك بيهم عايزا انام اه هئ هئ هئ
مرنا : ربنا معاكى انا حتة واحد مجننى
أميره : انا ها اقفل يا مرنا الجرس بيرن شكل بابا وماما وصلو
مرنا : سلام يا أم العيال
أميره : اه مالها العزوبيه ياختى سلام
**********
أميره : أهلا يا ماما حمد الله على السلامه أهلا يا بابا اتفضل
أحلام : انا ما كنتش ها أجى تولدى من غيرى يا أميره انا وابوكى
أميره : اتفضلو بس ريحو من الطريق وها احكى ليكو على كل حاجه
يحى : حمد الله عل السلامه يا حبيبتى وحضنها وباسها أمال فين حبايب قلبى
اميره : نايمين بعد ما طلعو روحنا انا ورجائى
أحلام : هو انا ليا غيرك
أميره : والله ياماما الموضوع جه فجأه وانا راحه لمرنا وهى بتولد وكلهم بقو مش عارفين يعملو ايه معايا والا مرنا فا لينا عذرنا ياماما ورجائى كان ها يكلمكو بعد الولاده بس انا قولتو لا يقول لكم بعد ما أخرج وانا خرجت تانى يوم على طول انا ومرنا عشان كنا ولاده طبيعى والامور كلها تمام الحمدلله
يحى : خلاص يا أحلام بقى بنتك الحمد لله بخير هى والولاد ودا كفايه وعندنا بالدنيا
أحلام : كان نفسى ابقى جمبها
اميره : حضنتها أهو انتى جمبى وها أسلمك العهده واروح فى سابع نومه جمب جوزى انا خلاص بفيص
يحى : بفرحه باينه عليه قوى هاتيهم بس
أميره : الزن بدء أهو جايه
رجائى : بنوم أميره تعالى شوفى البشر دى دا دماغهم فاضيه
#####$########
بقلم : لبنى طارق
##############
الحلقه 31
**************
كريمه : أهلا يا ست فايزه
فايزه : أهلا بيكى يا حبيبتى كفايه فايزه بس اعتبرينى أختك
كريمه : انتى أكتر من الاخت والله تعال اتفضلى فى اوضة البنات معلش بقى الشقه ديقه حبتين وخدتها دخلتها الاوضه ومعاه شنطتها …..
فايزه : حلوه بوجودكم فيها
كريمه : الدولاب أهو رصى فى الضلفه دى فاضيه
فايزه ؛ شكرا تعبتك معايا
كريمه : تعبك راحه خدى راحتك
سما : بتعملو ايه يا شقاوه
فايزه : هاأظبط حاجتى يا سمسمه
سما : خد راحتك يا جميل أساعدك
فايزه : وهى حاسه بتغير كبير فى شخصية سما مرحه وفرحانه لا يا حبيبتى روحى انتى ساعديهم فى الأكل
سما : أوكشن ها أفلسع انا بقى
فايزه : بضحكه فلسعى ياختى وانا شويه وها أفلسع زيك
سما : دا احنا ها نخربوها فلسعه يا شابه
فايزه : طلعتى مجنونه زى أختك لولو
سما : لسا التقيل جاى ورا
فايزه : ربنا يستر
عبد العزيز : ما تقومى يا لولو والا مروان هنا مش ها نعرف نحركك من مكانك
لولو ؛ يرضيك كدا يا مروان
مروان : بهزار وسما واقفه مراقبه من بعيد اد ايه بتعشقه وهو واخد باله منها بس مش محسسها بدا لا ميرضنيش ابد
عبد العزيز : هو احنا ها نقدر عليكو أنتو الاتنين
لولو : لا طبعا والا ايه يا كركر
كريمه : مروان مدلعك قوى مايعرفش انك بلطجيه علينا
لولو : ايهئ اهئ اهئ اهئ اه يعينى عليكى يا لولو يا مظلومه طيب قومى بقى أعملى لينا الأكل وأنت يا عبده لازم تتجوز على الست دى زهقتنى يا أخويا …..
مروان : وعبد العزيز أنفجرو فى الضحك وكريمه قامت تجرى وراها أنتى مش ها تلمى لسانك يا بت أنتى….
لولو : الله يا كركر خلقك بقى ديق قوى كدا ليه مين الا زعلك عبده ولا يهمك ياختى عشان صحتك ….
كريمه : ها تجننينى الله يخرببتك الله يكون فى عون الا ها يتبلى بيكى ….
لولو : مروان باشا منورنا المنظر دا تمسحه من ذاكارتك ماشى عشان وانت داخل بالعريس تدخل بقلب جامد
مروان : وهو مش قادر يبطل ضحك عنيه أنت تأمرى أحلى عريس لأجمد لولو ….
لولو : هو دا الكلام اروح أعملك أحلى أكل
كريمه : غورى يا شيخه
مروان : سما لو سمحتى أعمليلى قهوه وعشان ما يدهاش فرصه ترفض تشرب حاجه يا عمو
عبد العزيز : قهوه برضو
سما : بغيظ حاضر ولوت شفتها ودخلت المطبخ ومروان مبسوط بنكشها من بعيد لبعيد لحد ما تقع تحت ايده ….
سما : دخلت وبتقدم القهوه لأبوها وراحه تدى القهوه لمروان
مروان بتعمد يمسك اديها وهى بتبص له وهو مركز قوى فى عينها ……
سما : بأحراج خد القهوه خلينى أمشى
مروان : انا ختها عل فكره وبيغمز لها
سما : بصوت واطى سئيل وسبته ودخلت المطبخ وانضمت ليهم فايزه الا فرحانه بجو العيله الجديد عليها ولولو الا مش مخلياها تبطل ضحك
***********
مازن : فاطمه أنتى فين يا حببتى
فاطمه ؛ بنيم ريتال يا مازن
مازن : جه وراها وحضنها وحشتينى قوى
فاطمه : وانت كمان يا حبيبى
مازن : شالها طيب تعالى قبل ما تصحى وتنضرب الليله
فاطمه : ههههههه ربنا يجعل كلامنا خفيف عليها وعاشو حياتهم هما الاتنين مع بعض 
فاطمه : وهى نايمه على صدر مازن كلمت بابا وماما واطمنت عليهم وبيقولوى ليلى مرات محمود حامل وبيشكرو فيها قوى يا مازن طلعت كويسه …
مازن : ربنا يسعدهم يا حبيبتى المهم كل حاجه تمام
فاطمه : الحمد لله انت عرفت ان سما رجعت
مازن : بجد عرفتى منين
فاطمه : كلمت مرنا على النت وقالتلى
مازن : وعملت ايه مع مروان
فاطمه : مش عارفه الصراحه
مازن ؛ طيب تعالى نحتفل بقى عشان الخبر الحلو دا
فاطمه : تانى
مازن : دا كان بدايه للانطلاق وسمعو صوت عياط ريتال
روحى ياختى ولا تانى ولا تالت
فاطمه : ههههههه تستاهل كل خير ياغالى
مازن : أيوا انا بقول كدا بردو
********
محمد : ياله يا روقيه مش عايزين نتأخر
روقيه : خلاص انا جاهزه ياله وغادرو الى مسكن سما التى يشتاقون لها كثيرا ووصلو أمام البيت مشتاقون ومتوترين من هذه المقابله ……
سما : حاضر يا الا على الباب وفتحت
روقيه : يا حبيبتى يا سما حمد الله على السلامه وخدتها فى حضنها وحشتينى قوى يا سما ….
سما : بكل حب وانتى كمان يا طنط
محمد ؛ سبيلى شويه تعالى فى حضنى احنا أسفين يا حبيبتى …..
سما ؛ ما تتأسفش يا عمو اتفضلو
عبد العزيز والعائله جميعا أستقبلوهم وسلمو عليهم
محمد : مبسوط قوى انك رجعتى وسط أهلك تانى الا بيحبوكى …..
سما : شكرا يا عمو وحمد الله على سلامة مرنا
روقيه : دى دوشتنى كل شويه ماما لما توصلى خليها تكلمنى هى وأميره ها يتجننو عليكى
سما : فيهم الخير وبتبص لمروان
مروان : تعرفى بما انك بتبصلى كدا انها قاطعتنى أكتر من شهر ودى عمرها ما حصلت وستات العيله والعائلات المجاوره كانو عاملين علينا إنقلاب بيحبوكى قوى ……
سما : بثقه عارفه ومتأكده انهم مصدقوش حاجه عليا
مروان : ها تروحى تشوفيهم أمتى
سما ؛ بكرا ان شاء الله انا جايبه هدايا البيبيهات معايا
محمد : كنتى ها تيجى لهم من نفسك
سما : لا كنت ها ابعتهم بطريق غير مباشر بس النصيب أروح بنفسى ……
روقيه : بتعمد عقبالك يا حبيبتى انتى ومروان
سما : ما أظنش يا طنط
كريمه : احنا ها نشبك ونكتب الكتاب أمتى يا ابو مازن
سما : بصدمه نعم
كريمه : بتأكيد زى ما سمعتى
سما ؛ لسا ها تقوم وتزعق
عبد العزيز ؛ عين العقل يا كريمه يا سما يا حبيبتى …..
لازم نعمل كدا سبق وقولتك ان…… منال مش سايبنا فى حالنا وأخويا جه قالها صريحه فى وشى…… بنتك عملت ايه وخطيبها سابها ليلة كتب كتبها واختفت ……..لولا ان كريمه ردت كان زمان دلوقتى سيرتنا على كل لسان…… احنا كدا بنثبت ان انتى ومروان مفيش حاجه حصلت أكتر من سوء تفاهم …….
محمد : لو سما موافقه يبقى الخميس الجاى كتب كتاب والفرح ……
سما : انتو بتقتلونى لتانى مره انا مش عايزاه
مروان : للدرجه دى جوازك منى بيقتلك بعد اذنكم
عبد العزيز : أقعد بس يابنى
مروان : معلش يا عمى لازم أمشى
كريمه : احنا ها نتغدى كلنا مع بعض
مروان : والله ما ليا نفس والصمت ساد المكان انا ماشى يا سما عشان ما أقتلكيش أكتر من كدا وغادر المكان………
فايزه : طلعت ورا مروان بعد ما سمعت كل حاجه بس ما حبتش تتدخل بينهم مروان أستنى …
مروان : بوجع من كلام سما نعم
فايزه : هو أنت ها تستسلم بسرعه كدا كنت فاكراك بتحبها بجد …..
مروان : انا بحبها بس هى شكلها بتتلكك ليا هى عارفه اد ايه انا كنت بعانى قبلها ومعنديش ثقه فى حد هى الوحيده الا وثقت فيها…… وبرغم الا عملوه الكلاب دى ونجحو فيه…… بس انا دورت عليها كتير عشان أفهم منها ……قلبى مش مصدق وكنت عايز اريحه وارتاح…… معاه وأقسم بالله كنت ها أصدقها فى كل الكلام الا ها تقوله
……. عشان انا متاكد انها ما تعملش كدا …. .بس صدمة الموقف والمنظر كان صعب قوى فاهمنى ….
فايزه : قربت منه بأديها وبتشدد على دراعه انا عارفه انك بتحبها وهى كمان بتحبك ومش ها تقدر تبعد عنك انت ماتعرفش هى بتحبك اد ايه دى كل يوم كانت تدخل وتقفل على نفسها وتفتح التليفون على صورتك وتحكيلك عن يومها كله ……. وانت مش معاها
مروان : ببسمه أمل هى كانت بتعمل كدا معايا فعلا لما كنا مع بعض لازم تكلمنى وتحكيلى كل حاجه عملتها لسا زى ماهى .
فايزه : ايوا لسا يبقى انتى ما تسلمش كدا من اول جوله اتجوزها وردها ليك بطريقتك الناس الا جوا دى وخصوصا مامتها بيعملو الصح لو سابو الموضوع للتصافى مش ها تخلصو وها يتفتح الف باب انما قربكو ها يكون هو الحل
مروان : انتى شايفه ان اجبرها على الجواز
فايزه : هى مش مجبره دا ها يبقى الظاهر ليكم إنما هى بتتمنى قربك كل ثانيه بتعشها والا مانعها كرامتها وجرحها من عدم ثقتكو فيها وخدتو ودخلت تانى جوا بعد ما اقنعته انه يكمل ……
محمد : غيرت رأيك ورجعت
مروان : ايوا انا شايف اننا نكمل الجواز أفضل للجميع وهى لو عايزه تطلق بعد كدا ها أطلقها مش ها اجبرها على العيشه معايا .. .
سما : اه دى لعبه جديده
مروان : ولا لعبه ولا حاجه انتى بتقولى بتحبى أهلك ومش عايزا راس ابوكى غير فى السما يبقى مفيش تنازل ولو بسيط منك
سما …..
كريمه : ايه يا سما زى ما دافعت عنك ووقفت قدام ابوكى والدنيا كلها وبقت الف فى الشوارع لوحدى عليكى مش ها تردى ليا جزء ولو بسيط من حبى ليكى
سما : إلا تشفوه انتو حرين أعملو الا انتو عايزينه وسابتهم ودخلت على الاوضه …
فايزه : اتفقو على كل حاجه وسيبو سما عليا
روقيه : انا شايفه كدا بردو
محمد : ايه رايك يا عبد العزيز
عبد العزيز : بجديه ها نعمل الفرح أمتى
محمد : يوم الخميس الجاى ينزلو ينقو الشبكه بكرا ويجهزو كل حاجه ومروان يسافر الشغل يعمل اجازه
سما : طلعت انا عندى شرط
مروان : قولى
ها نتجوز فى الفيلا وطنط وعمو ها يفضلو معانا حتى فى يوم الفرح …..
مروان : بدون تردد موافق
محمد وروقيه ياريت ها تملو علينا الفيلا
روقيه : سما مرنا ما بطلتش رن عليا
سما : ممكن تدينى التليفون أكلمها جوا
مروان : نقرا الفاتحه كلنا وادخلى كلميها وقرو الفاتحه وسما دخلت الاوضه تكلم مرنا
مرنا : ايوا يا روكا كل دا عشان تخلينى أكلمها انا ها أتجنن وانا قاعده كدا .
سما : حيلك حيلك يابنت محمد
مرنا : حبيبتى يا سما وحشتينى يا كلبه أخص عليكى طيب كلمينى و خاصميهم هما
سما : كنت تعبانه قوى يا مرنا اعذرينى
مرنا : عذراكى يا حبيبتى والله وحشتينى قوى تعالى أشوفك بقى …
سما : جايه ياختى بكرا عشان الشبكه وها أعدى عليكى
مرنا : بفرحه شبكتك انتى ومروان
سما : ايوا
مرنا : أوبس على الخبر الجامد دا يا مرات أخويا استنى بقى ادخل أميره على الخط
أميره : عملتى ايه يا مرنا
سما : وانضمت صاحبة المهرجانات معانا ونقول الوووو
أميره : سما انتى معانا على الخط بجد أخيرا سمعت صوتك لما أشوف وشك ها أقتلك
سما : هههههههه اتلمى يا بت أكيد بقيتى شبه القرد بالتوأم الا أنتى جايبهم .
أميرا : هههههه انا ادمرت ياختى انا ورجائى وفعلا بقينا عاملين زى القرود من يومين وقربنا نمشى على الحيطه
مرنا : ياعينى يا أميره ربنا يعينك امال ها تعملى ايه لما رجائى يرجع الشغل ….
سما : ها تبقى لاجئه عند الجران
أميره : لاياختى ماما وبابا هنا ومريحنى ونمت وقمت زى الباشا …….
سما : يا سيدى يا سيدى
مرنا : بت يأميره سما ها تجيب الشبكه بكرا
أميره : بجد يا سما مبروك يا حبيبتى والله مروان بيحبك قوى رجائى بيقولى كانت بيتعذب فى بعدك وما بيبطلش يسأل عليكى فى كل حته ….
سما : بزعل ها يجوزنى أخوكى يا مرنا يوم الخميس غصب عنى …
مرنا : انتى زعلانه يا سما والله مروان بيحبك اوعى تتخلى عنه
سما : هو الا اتخلى عنى فى أكتر وقت محتاجه جمبى بس هو ادانى ضهره
أميره : هو عنده عذره بس انا عايزا أقولك على حاجه رجائى قالى عليها لما عاتبته وزعلت منه قالى انهم قالبين الدنيا عليكى ومروان قبل ما يعرف الحقيقه قال ها يسمعك ويصدقك انتى هو واثق فيكى بس الشيطان لعب لعبته فى وقتها ………..
#############
بقلم : لبنى طارق
##############
